Día dos mortos

A biblioteca do IES dedicoulle este ano a celebración do Samaín a México e outras culturas non tan afastadas como Exipto, Nepal, etc.
Con este motivo celebramos unha serie de actividades como un concurso chamado "Eu que sei" do que vos deixamos o tríptico que utilizaron os alumnos para buscar a información.

A biblioteca engalanouse para a ocasión cun altar de mortos. Ao pé del estaba a nosa Catrina velando a memoria do seu home, o pobre Ensino Público. Aquí tedes unhas imaxes do velorio.


Día dos mortos from Biblioteca Torrente Ballester on Vimeo.

O alumnado, para a ocasión, escribiu "calaveritas".¡Aiiii, que pena!

Unha exposición de literatura e películas de medo e proxeccións durante os recreos na entrada do IES completaron o acontecemento.

Samaín 2012

Samaín... xa está aquí.  

Mañá, martes e o mércores, o instituto estará cheo de trasnos,osos,  cabazas, músicas de ultratumba , sonidos terroríficos, libros que fan tremer e...medo. MOITO MEDO. 

 

A semana que ven, veredes imaxes . 

 

Graciñas aos colabodadores. O que podedes ver, escoitar e... sufrir é traballo de moita xente.

Semana negra na biblioteca

Esta mañá o instituto amenceu cheo de sangue, pegadas, sombreiros, pistolas, lupas e detectives..... 
Na biblioteca encontrámonos cun cadáver.... 


Que acontecería a noite pasada?


 Non vos asustedes que non asasinamos a ninguén, simplemente queremos recordarvos que

o día 23 é a celebración do Día Internacional do Libro


 O grupo de biblioteca, este ano, quere suxerirvos que vexades todos os fondos dos que dispoñemos de novela negra, por iso  témolos sacados dos estantes e están nunha zona especial esperando  que os veñades coller e os leades.


Para que saibades máis sobre este tipo de novelas colocámosvos unha serie de paneis informativos que xenerosamente nos  cedeu o Instituto Alexandre Bóveda de Vigo  e que agradecemos enormemente.

           Boa lectura a tod@s!!!!!!!!

Celebramos o antroido comendo e disfrazándonos

Aquí vos queda unha pequena mostra de como resultou toda esta festa

Samaín na Biblioteca

o samaín no IES Torrente Ballester de Pontevedra por chusinita
Esta mañá o noso instituto apareceu cheo de esqueletos, teas de araña, morcegos e demais bichos. En todas as clases os alumnos traballaran arreo para recibir a Samaín e a biblioteca non quixo quedarse atrás.

Como podedes ver os esqueletos convertéronse en lectores e foron os primeiros en elixir libros.

Algúns alumnos Clara e Pablo de 1º ESO ou Cintia de 4º ESO non quixeron ser menos que eles e léronnos contos relacionados coa celebración, Tamén a Profe Rita se uniu la lectura poñendo voz a un relato que escribiu un alumno de Bacharelato.

A Biblio estaba concorrida!!!!

E sería  que tamén se entregaban os premios ás clases mellor decoradas?  Quen sabe!!!!
Fose como fose resultou moi interesante.

Ides ser vós menos que os esqueletos? A que estades a esperar? Temos novidades.
Aquí tedes un adianto.

ANIVERSARIO

Hoxe, xoves 22 de outubro, cúmprense  os 50 anos da saída á venda do primeiro libro de Astérix e Obélix. Para celebralo,  nas librerías de todo o mundo ponse a venda

"O aniversario de Astérix e Obélix. O libro de ouro", onde os nosos heroes, xa xubilados, cóntanlles aos seus netos as súas batallas contra os romanos.

"Estamos no ano 50 antes de Xesucristo. Toda a Galia está ocupada polos romanos? Toda? Non! Unha aldea poboada por irredutibles galos resiste aínda e sempre ao invasor..."
Así comezan tódalas aventuras de Astérix e Obélix, dous galos froito da imaxinación e o enxeño de Albert Uderzo e Rene Goscinny que fixeron ,e fan ,as ledicias de varias xeracións de lectores de libros de banda deseñada.

                  Bo aniversario Astérix!    Bo aniversario Obélix!

Na BIBLIOTECA podes encontrar varios libros destes dous famosos "Galos" e mesmo en diferentes idiomas.