II certame de ilustración

Feliz ano a tod@s! Voltamos a biblioteca un ano máis e o facemos cunha nova entrega do certame de ilustracíón!

II Certame de ilustración

A Biblioteca María Victoria Moreno, o Departamento de Artes Plásticas, o Equipo de Dinamización da Lingua Galega  e a ANPA do IES Gonzalo Torrente Ballester convocan o II certame de ilustración, no que poderán participar alumnos/as e ex-alumnos/as do instituto.

Qué técnicas podedes empregar?

A técnica sera libre, podendo ser incluso fotografía. Lembrade que as obras deben ser orixinais e inéditas.

Qué categorías hai?

Haberá dúas categorías:

A. Primeiro, segundo e terceiro cursos da ESO.

B. Cuarto curso da ESO, Bacharelato, Ciclos Formativos, e ex-alumnos/as.

Cal é a temática?

As obras presentadas deberá estar relacionadas co eixo das actividades da Biblioteca neste curso escolar: Piratas. Concretamente, deberán realizarse como ilustración da portada das seguintes obras:

Categoría A: Peter Pan (de J. M. Barrie)

Categoría B: Morning Star (de Xosé Miranda)

En qué formato poden presentarse as obras?

O formato de presentación das obras será libre, recomendándose como máximo, o tamaño DIN A-3 (297 x 420 mm).

Cal é o prazo de presentación?

O prazo de presentación de orixinais comezará o 30 de xaneiro, Día da Ilustración, e rematará o 24 de febreiro de 2020. 

Onde se poden entregar as nosas obras?

As obras presentaranse na biblioteca do instituto nun sobre pechado en cuxo exterior figurará un lema ou pseudónimo e a categoría pola que se participa. Entregarase outro sobre pechado co lema ou pseudónimo no exterior e en cuxo interior figurarán os seguintes datos do/a autor/a: nome e apelidos, curso e grupo (no seu caso). No caso de presentarse a obra en formato dixital enviarase un correo electrónico á dirección ies.torrente.ballester@edu.xunta.es indicando no asunto “II certame de ilustración” e no corpo da mensaxe o lema ou pseudónimo; engadiranse dous arquivos, un coa obra que se presenta ao certame, e outro co lema ou pseudónimo como nome do arquivo e no que consten o nome e apelidos, curso e grupo (no seu caso) do/a autor/a.

Quén xulgará as obras e decidirá aos gañadores?

Un xurado integrado por profesorado, membros da ANPA e alumnado do centro seleccionará as obras gañadoras. A tal efecto, establécense dous premios (1º e 2º) en cada categoría. O xurado poderá conceder mencións a outras obras ou deixar algún premio deserto.

Cales son os premios?

Os premiados recibirán un agasallo e un vale para mercar material escolar, deportivo, informático… en tendas de Pontevedra. O xurado tamén seleccionará un máximo de catro obras que pasarán a formar parte da decoración da Biblioteca.

Cando entregaranse os premios?

Os premios serán entregados no mes de maio, coincidindo coas actividades do “Día das Letras Galegas”.

Animádevos e xa sabedes: A PARTICIPAR!

Biblioteca escolar, vivero de ciudadanía

  

  EFECTIVAMENTE!!!

As Bibliotecas Escolares de Galicia escolleron para este ano o lema “BIBLIOTECA ESCOLAR, VIVERO DE CIDADANÍA”, destacando a importancia da Biblioteca como elemento dinamizador da formación en habilidades sociais e valores democráticos, na formación de cidadáns responsables e críticos, dispostos a unha participación activa para unha sociedade máis xusta.

E así imos nós traballando, especialmente desde que hai catro cursos iniciamos a andaina da materia de Voluntariado Escolar no Bacharelato. Unha oportunidade que o alumnado aproveitou para desenvolver proxectos diversos, segundo os seus intereses ou os temas de actualidade.

Así, algúns traballos centráronse no entorno máis próximo, colaborando na xestión da Biblioteca.

Outras veces, chamando a atención sobre problemas como os dos migrantes que atravesan o Mediterráneo camiño de Europa ou as dificultades para defender a liberdade de prensa e de expresión.

Recollendo alimentos, xoguetes ou tapóns de plástico para organizacións sen ánimo de lucro, ou aportacións para UNICEF.

  

E sempre valorando as múltiples posibilidades de acción, e reflexionando sobre a importancia da acción individual e colectiva na construción dunhs sociedad máis xusta, máis equitativa e máis libre.

Día das letras galegas 2018 María Victoria Moreno!

Qué boa nova!

 O Día das Letras Galegas de 2018 estará dedicado á escritora e profesora María Victoria Moreno Márquez (Valencia de Alcántara, Cáceres, 1941 – Pontevedra, 2005). A decisión adoptouse no Pleno ordinario da Real Academia Galega celebrado este sábado na Coruña, no que tamén se nomeou académica de honra a Marina Mayoral e académicos e académicas correspondentes a Takekazu Asaka, Marcos Bagno, Olga Castro, Helena González, Kirsty Hooper, Helena Villar Janeiro e Helena Zernova.

(Diario de Pontevedra)

Chega o Verán!

Chega o verán e con él as nosas recomendacións!

Recomendacións para o verán de bibliovictoriamoreno biblio

A BIBLIO NAS ONDAS

Xa hai tempo que a nosa Biblioteca se converteu nun estudio de radio. Visitounos Onda Cero, para emitir desde aquí en directo un programa que celebraba o Día das Letras Galegas. Contamos coa presencia do concelleiro responsable da área de normalización lingüística e mesmo co alcalde de Pontevedra. Xunto a alumnado de 1º e de 4º de ESO participaron no programa o profesor de Lingua e Literatura Galega Xosé Álvarez e a responsable da Biblioteca, Cristina Ogando.

(RE)ENCONTROS COS AUTORES

Nesta ocasión non falaremos de encontro, senón de reencontro. Porque o autor que nos visita é Tomás González Ahola, antigo alumno do noso IES. Ademais de lembrar vellos tempos e mesmo falar con algún antigo profesor, estivo transmitíndolles as súas experiencias ao alumnado de 1º de ESO, que lera “Alaia e a deusa”, unha das obras escritas por el. Moitas grazas, Rubén, e ata sempre!!!

NR 16000

POLO MEDITERRÁNEO

O alumnado de Voluntariado Escolar organizou o venres 24 de marzo, en colaboración coa ONG AGARESO (Asociación Galega de Reporteiros Solidarios), unha acción do que se soe chamar “comunicación de guerrilla”, para chamar a atención sobre as penalidades polas que pasan os migrantes que, buscando fuxir da morte e a opresión, arriscan as súas vidas para chegar a unha Europa que non os está a recibir con brazos abertos.



Aquí tedes algunhas fotografías / un vídeo / unha presentación sobre o seu traballo.

Mediterráneo from biblioteca victoria moreno on Vimeo.

I CERTAME ILUSTRACIÓN

O xurado integrado por profesorado, membros da ANPA e alumnado do centro ven de facer público as obras gañadoras do I CERTAME DE ILUSTRACIÓN:

              Categoría A:

                               1º Premio           Sabela Alonso Freire (3ºC)

                               2º Premio           Jennifer Macedo Malvido (3ºA)

                               Accésits             Samia Baait El Khalgi (3ºA)

                                                          Ada Fernández García (3ºB)

                                                          Manuel Tomé Antelo (3ºB)

                Categoría B:

                               1º Premio           Ariana Vergaray Armas (1ºbachA)

                               2º Premio           Catalina Fariña Fernández (2ºbachB)

                               Accésits              Tamara Iglesias Varela (4ºB)

                                                                       Ana Peón Pousa (4ºA)

                             PARABÉNS AOS PREMIADOS E MOITAS GRAZAS A TODOS POR PARTICIPAR!!!!

As obras presentadas foron realizadas como ilustración da portada das seguintes obras:

Categoría A: Marcovaldo ou as estacións na cidade (de Italo Calvino)

Categoría B: O sol do verán (de Carlos Casares)

SABELA ALONSO

JENNIFER MACEDO

ARIANA VERGARAY

CATALINA FARIÑA

Encontros cos autores. A Ilustración.

O pasado venres estivo na Biblioteca falando co alumnado de Debuxo Artístico o ilustrador Marcos Viso (http://marcosvisoilustracion.com/). Compartiu con nós tanto cuestións técnicas, sobre o desenvolvemento do seu traballo como ilustrador, como outras máis persoais: como chegou á ilustración, o que supón adicarse a un oficio creativo, as dificultades, as dúbidas, as satisfacións… Trouxo orixinais das súas obras xa publicadas (Todos os soños, Unha casiña branca, Parar o mundo, Vaite xa…) ou en proxecto, e explicou tanto técnicas artísticas como os pasos que hai que dar na relación cos autores, as editoriais…

A charla terá continuidade nas vindeiras semanas cun formato de obradoiro.

Grazas por todo, Marcos.

Que ler no Nadal

COMPAÑEIROS

Por esas cousas que pasan, resulta que nos demos conta de que no noso blogue faltaba algo fundamental: un enlace ao blogue do Equipo de Dinamización da Lingua Galega que, dirixido por Mariló, traballa arreo no noso IES.

Remediamos inmediatamente o lapso e aquí tedes o enlace directo ao blogue, na marxe esquerda da nosa páxina principal . Seguiremos en contacto…

VII CERTAME DE NARRATIVA

Como cada ano, e van sete, a Biblioteca, o EDL, a AMPA e diversos Departamentos didácticos colaboran na organización de diversos certames. Neste curso, seguindo o eixe ESTACIÓNS CON ARTE, proporemos varios, empezando co VII CERTAME DE NARRATIVA.

Tedes a información nas aulas e as escaleiras, pero aquí vai tamén. AGARDAMOS AS VOSAS OBRAS!!!!

 

BIBLIOTECA  MARÍA  VICTORIA  MORENO

IES GONZALO TORRENTE BALLESTER

VII CERTAME DE NARRATIVA

 1.- A Biblioteca María Victoria Moreno, o Equipo de Dinamización da Lingua Galega  e a ANPA do IES Gonzalo Torrente Ballester convocan o VI certame de narrativa, no que poderán participar alumnos/as e ex-alumnos/as do instituto.

2.- As obras serán narracións orixinais e inéditas dun mínimo de 1 folio e un máximo de 5 folios, escritos a dobre espazo e por unha soa cara.

3.- O tema das historias deberá estar relacionado co eixo das actividades da Biblioteca neste curso escolar: Estacións.

4.- As obras deberán incluír en calquera parte o seguinte fragmento da obra “O SOL DO VERÁN” de CARLOS CASARES: “A partir daquel instante, o mundo borrouse dos meus ollos e dos meus oídos, a luz ferinte do sol convertiuse en néboa…”

5.- O título das obras presentadas ao concurso terá un máximo de cinco palabras.

6.- Establécense as seguintes categorías:

A. Primeiro, segundo e terceiro cursos da ESO.

B. Cuarto curso da ESO, Bacharelato, Ciclos Formativos, e ex-alumnos/as.

7.-  O prazo de presentación de orixinais comezará o 4 de novembro e rematará o 2 de decembro de 2016. As obras presentaranse na biblioteca do instituto nun sobre pechado en cuxo exterior figurará un lema ou pseudónimo e a categoría pola que se participa. Entregarase outro sobre pechado co lema ou pseudónimo no exterior e en cuxo interior figurarán os seguintes datos do/a autor/a: nome e apelidos, curso e grupo (no seu caso).

8.- Un xurado integrado por profesorado, membros da ANPA e alumnado do centro seleccionará as obras gañadoras. A tal efecto, establécense dous premios (1º e 2º) en cada categoría. O xurado poderá conceder mencións a outras obras ou deixar algún premio deserto.

9.- Os premios serán os seguintes:

·         Os premiados recibirán un vale para mercar material escolar, deportivo, informático… en tendas de Pontevedra.

·         O xurado seleccionará un máximo de 10 títulos das obras participantes que serán utilizados para rotular os lombos dos libros dos murais da biblioteca.

10.- Os premios serán entregados no mes de maio, coincidindo coas actividades do “Día das Letras Galegas”.

Parabéns¡¡

Hai tempo que sabemos de ti. Tres veces premiamos os teus relatos nos nosos certames literarios. E agora a Consellería recoñéceche os teus méritos concedéndoche o PREMIO EXTRAORDINARIO AO RENDEMENTO ACADÉMICO NA ESO. Moitas felicidades, e ánimo para os teus futuros retos!!!

">

Voluntariado escolar

Como sabedes, este curso empezamos unha asignatura nova, “Voluntariado escolar”, organizada pola Biblioteca. Entre outras actividades, o alumnado que a cursa organizou unha charla de Amnistía Internacional para o 11 de novembro sobre os Dereitos Humanos, pero só é a primeira de varias accións que esperamos ir contándovos. Ata pronto!

Parabéns, Dolores!!!

Hoxe abrimos o noso blog para felicitar a Dolores Redondo, flamante gañadora do premio Planeta 2016. Lembramos con ledicia o seu paso polo noso instituto, da man de Domingo Villar e Pedro Feijóo nos Encontros en negro que celebramos en febreiro do ano pasado.

Contar con tres grandes da literatura actual foi un fito inesquecible e un placer para todos.

Agardamos con impaciencia a publicación de “Todo esto te daré”, a obra merecedora do premio, ambientada en Galicia… E a película “O guardián invisible”. O premio coincide coa celebración do “Día de las escritoras”, Una iniciativa impulsada por la Biblioteca Nacional de España, la Asociación Clásicas y Modernas para la igualdad de género en la cultura y la FEDEPE, la Federación Española de Mujeres Directivas, Ejecutivas, Profesionales y Empresarias. Leranse fragmentos de obras escritas por trinta escritoras en castelán, galego, catalán e euskera: Teresa de Jesús, Sor Juana Inés de la Cruz, Fernán Caballero (Cecilia Böhl de Faber), Gertrudis Gómez de Avellaneda, Concepción Arenal, Rosalía de Castro, Emilia Pardo Bazán, Gabriela Mistral, Alfonsina Storni, Rosa Chacel, María Zambrano, Mercè Rodoreda, Gloria Fuertes, Carmen Laforet, Carmen Martín Gaite e Ana María Matute entre outras. A quen máis incluiríades na lista?

Formación de usuarios

Principio de curso e acollida ao novo alumnado de 1º de ESO. Ademais das actividades de formación de usuarios, lembrade que os profesores e os compañeiros estamos para axudarvos. E neste curso coa colaboración do alumnado de Voluntariado Escolar de 2º de bacharelato…

Benvidas, familias!!

Aproveitamos as reunións organizadas no instituto coas nais e pais para lembrarvos que a Biblioteca tamén é vosa… Agardámovos!!

Estamos de volta¡¡¡¡

Outro curso que empezamos na Biblioteca Mª Victoria Moreno. Desta vez, desde a Consellería propóñennos o lema “Biblioteca escolar, territorio das Artes”. O lema convida a explorar fórmulas para espertar nos lectores e nas lectoras o interese por achegarse e apreciar os produtos artísticos, pero sobre todo a experimentar o pracer de expresarse a través da música, a pintura, a arquitectura, a danza, o teatro, a literatura, a escultura, as artes visuais (cine, cómic, fotografía, videocreacións, videoxogos). ... E parece que os membros da Academia do Nobel escoitaron a proposta, premiando a Bob Dylan, e vencellando así música, literatura e cultura popular.

PORTADAS DE PRENSA NO ATENTADO DE PARÍS

Unha choiva de premios...

Nestes últimos días, divers@s alumn@s do IES recolleron premios e galardóns en certames organizados por distintas entidades municipais, culturais e pedagóxicas. Desde a Biblioteca, queremos dar os nosos parabéns a todas @s premiad@s, porque, dalgún xeito, son premios tamén para o centro. Noraboa!!! IRIA TARRÍO PAZOS: 1º PREMIO de ENSAIO SUBVERSIVO "GUILLERMO DOMÍNGUEZ" do certame organizado pola Asociación Cultural Colectivo Xelmírez e coa colaboración da Consellería de Cultura,Educación e Ordenación Universitaria. PALOMA OTERO LÓPEZ: 1º PREMIO na categoría de 2º Ciclo da ESO e Bacharelato no IX Concurso de Fotografía Matemática da IX Feira Matemática 2015. E no "Ben veñas, Maio", déixovos unha imaxe que reflicte o título desta entrada: Unha choiva de premios...

Sabela González no IES

Sabela González vén de publicar no seu Blog `Gramática de Corpos´ unha entrada onde comenta a súa visita ao noso IES, na última xornada de "Entre Libros e letras". Tendes o enlace, premendo aquí. Estas son algunhas das cousas máis interesantes que di nela. "Fun convidada como madriña do acto para botar un pequeno discursiño e para facer a entrega de premios (dar diplomas e sorrir, e nin saio con xeito en todas as fotos, mimadriña!). Ao chegar cun chisquiño de tempo puiden ver tamén a biblioteca, non só grande e ateigada de libros de fantasía con motivo do tema do acto deste ano, senón tamén cuns murais preciosos nos que os lombos dos libros levan os nomes de escritores e escritoras (e está o meu!)...Para poder escribir, hai que ler. Se me apurades, para vivir ao xeito hai que ler. Pero hai que ler de todo, ata dar co noso. Hai que ler o que a cada un e cada unha lle pete. Ler co criterio preparado e os ollos ben abertos, para decidir por nós mesmas que é o que nos aburre, que é o que nos fascina e nos fai querer máis... Aprender que non lle pode gustar todo a todos, nin ten por que. A outra conclusión, a outra cousa importante para escribir, pero tamén para a vida, é que se hai que equivocar. Moito. Hai que meter a pata ata o fondo, erguerse e volver a intentalo, polo mesmo ou outro camiño...Esta foi a miña mensaxe. Pedinlles que leran, que gozasen co que escriben, que se trabucasen e seguisen sorrintes para adiante con todas as historias da vida. Porque as historias están en todas partes (díxenlle e dígovos, por se non o sabiades), aínda que alguén vos diga o contrario. As historias escríbense en novelas, contos e poemas. Escríbense en series, pelis e videoxogos. Escríbense en tuits, blogs ou diarios agochados baixo a cama. Pero escríbense e deben escribirse. E nelas imos deixando a pegada do que somos." Moi interesante. Grazas, Sabela.

Serafín Marcos no IES

O luns, 18 de maio, o alumnado de 3º ESO asistiu á representación que o actor Serafín Marcos fixo sobre a figura homenaxeada este ano no Día das Letras Galegas, Xosé Filgueira Valverde. Divertida e amena foron dous dos adxectivos que máis se escoitaron entre a rapazada.

Entrega Premios "Entre o Libro e as Letras"

O venres, día 15 de maio, e para entregar os premios do V Certame de Narrativa, II de Fotografía Matemática, I de Poesía e da VII Olimpíada Cultural, tivemos unha madriña de excepción, Sabela González, autora dunha das sagas máis exitosas da literatura galega actual, As crónicas de Landereina.Veu para entregar premios pero tamén para deleitarnos coas súas reflexións sobre a escrita e a lectura. Foi un bo día. Noraboa a tod@s @s premiados.